تكلمى الأن أو أصمتى الى الأبد
تكلمى الأن لا تخشى أحد
تكلمى قد طال صمتكُ وأنكسرَ الوتد
تكلمى عاد المسافرُ من زمن
يشتاق حضنكِ ... يبحثُ عن سند
بوحى بسركِ ... أفصحى
فالسُر فى الأعناقِ طوقٌ من مسد
ما بالنا و الخوفُ يصفعنا
والليلُ يطوينا ... والروحُ فارقت الجسد
تكلمى ... وتكلمى ... وتكلمى
نادى كثيراً و أرتدَ الصدى
نادى كثيراً ... لا .. أحد
عاد المسافرُ و أرتحل
لشواطئٍ لا تعرفه ... لشوارع قد تنكره
-
-
-
صوتٌ ينادى فى الأفق ... و ... تكلمت
لكنه قد كان ولى وجهه
وبلاد غربته .... قصد
تكلمى قد طال صمتكُ وأنكسرَ الوتد
تكلمى عاد المسافرُ من زمن
يشتاق حضنكِ ... يبحثُ عن سند
بوحى بسركِ ... أفصحى
فالسُر فى الأعناقِ طوقٌ من مسد
ما بالنا و الخوفُ يصفعنا
والليلُ يطوينا ... والروحُ فارقت الجسد
تكلمى ... وتكلمى ... وتكلمى
نادى كثيراً و أرتدَ الصدى
نادى كثيراً ... لا .. أحد
عاد المسافرُ و أرتحل
لشواطئٍ لا تعرفه ... لشوارع قد تنكره
-
-
-
صوتٌ ينادى فى الأفق ... و ... تكلمت
لكنه قد كان ولى وجهه
وبلاد غربته .... قصد
هناك 30 تعليقًا:
احيانا الافصاح عما بداخل الانسان بيديله نوع من السعاده
حلو الكلام جميل اوي
بس ليا سؤال
عاد المسافرُ و أرتحل
لشواطئٍ لا تعرفه ... لشوارع قد تنكره
ليه ؟؟؟
احياناً الصمت افصح من الكلام الصمت لغة والسكون لغة قد لا يفهمها سوى الناس الذين يتميزون بشفافية عالية
عاد المسافر و ارتحل لشواطئ لا تعرفه و شوارع قد تنكره
لمستنى اوى اشكرك بجد
صدقنى الغربة مش شرط تكون ببعد المكان ممكن تكون بالشعور و اصب شعور هو الغربة و انت جوه مكانك
تحياتى
صديقى الاسكندرانى ... يعنى بالله عليك هو المسافر لو كان لقى حد يسمعه كان دور على شواطئ تانية و لا شوارع ما تعرفوش يعنى الراجل طفش لما حس انه بيكلم نفسه .... يا ترى مين الراجل ده ! ... حتوحشنا فى الاجازة يا زميل .... تحياتى
ابو أمل صديقى الصعيدى الجميل أشكرك على تعليقك اللى بصراحة بأفرح لما بأشوفه لأنه من شاعر جميل وحساس بس كسول .... فين يا عم حاجاتك الحلوة ... تحياتى
عاليا العندليبية ... تعليقك اللى فات فى بوست خالد الصاوى هو اللى استفزنى وخلانى أكتب فيا ريت من وقت للتانى شوية استفزاز جميل كده عشان ساعات الكسل واليأس بياخدوا الواحد خاصة هنا فى بلاد المنفى ... انا مبسوط أن نهاية القصيدة عجبتك وأنا اللى أشكرك على تعليقاتك الجميلة ... تحياتى
ما تشفش وحش يا صديقي
ان شاء الله برضه ححاول اكون معاكو قدر الامكان
حازم
عليا حليم 00مرسيى على استفزازك لحازم بية والتى اعطاتنا الفرصة لسماع ما يحلو لنا من كلماتة الرقيقة والجميلة فاياريت من وقت لتانى تدفعية لامام للكتابة وبالنسبة للكاتب الكبير قوى حازم احب ان اعلق ان احياناالانسان لا يستطع ان يبوح ويقول ما فى داخلة فيكون الصمت هو الحل الوحيد وان يصمت الى الابد بس فى النهاية جميلة جميلة جدااااااا تحياتى والتواصل المستمر 00 الحب الجميل
جميلة جدا جدا بجد يا حازم
وجميل جدا بجد إني حسة إن انت كتبتها بعد ما قريت حاجة أنا كتبتها.. مأثرة فيا أوي (:
انت كتبت لي هناك إن كلماتك دي كان رد على اللي أنا كتبته
لكن هي مش رد لأن الموضوعين مختلفين.. لكن ممكن نقول مثلا إن اللي كتبته عندي كان ملهم ليك (;
أنا برضو جيت أدور على رد على كلام دينا
لقيت حاجة تانية خالص
بس حاجة حلوة فوق الوصف والخيال
بجد تسلم ايديك
الكلام لمسني جدا
سلام عليكم ازيك يا فندم
شوف انا بصراحة كده مبحبش مادة اللغة العربية من صغرى وبالذات الادب والحاجات دى
فده يخلينى معنديش القدرة انى اقول رأيى فى اى شعر خاصة انه باللغة العربية الفصحى
لكن احساسك واضح منه وانا قولت ادخل اسلم
كيف الحال؟
سلام
كتير بيكون الصمت أبلغ من الكلام بس دا للي بيعرف وبيفهم لغة الصمت لو مش بيعرفه بتبقى حاجة تخنق
اسألني انا
الحب الجميل ... أشكرك على التعليق مع تحفظى على القاب البيه و الكاتب الكبير فأنا لست بيه و لا كاتب كبير انا مجرد انسان بسيط احلامه صغيرة يكتب ما يحسه ... يطلع بقى شعر يطلع قصة مش مهم المهم ان يخرج من صدره ليراه الناس ... تحياتى
عزيزتى ... دينا التى تقول ما لا يقال ... يا ريت تقولى حاجات تانية و انا جاهز للكتابة ... شاكر زيارتك و تعليقك وسعيد انها عجبتك ... تحياتى
الاندلسية صاحبة الخطوط المستديرة ... يعنى وصفك القصيدة بحاجة فوق الوصف و الخيال خلانى مش مصدق نفسى و الله لانى ما تصورتش انها حتعجب الناس كده و خاصة اصحاب الاحساس العالى والمرهف زيك .. عموما شدى حيلك انتى و اكتبى حاجة زى دينا وانا حاضر ... أشكرك يا اندلس و ... تحياتى
قريبتى الشلبية ... ليه يا ماما كده ماله العربى بس زعلتينى منك ... عموماً أشكر زيارتك وعلى امل التواصل الدائم ... تحياتى
سهر ... سعيد بزيارتك الاولى للمدونة وسعيد أيضاً بتعليقك أما لغة الصمت يا عزيزتى فهى لغة الذهب ولغة الحياء لغة من لا يعرفون الا الكلام الجميل فإذا عز صمتوا فحينها يكون الصمت أبلغ من كل كلام البشر ... تحياتى وأتمنى تكرار الزيارة
بعد السلام عليكم
دي زيارتي الأولي لمدونتك ، ولن تكون الأخيرة أن شاء الله
كلامك حلو أوي يا حازم ، و أتمني أن يكون خروجنا من صمتنا مش بعد فوات الأوان مثلما حدث في القصيدة ، حين لا ينفع كلام ونداء و صراخ
تحياتي
حاضر يا عم بس كده ؟ خد عندك شوية أستفزاز أهو
جوايا حالة بقالها مدة صعبانة عليا البنات الى ربنا ادلهم جمال عادى و ما لهومش فى لبس الضيق و الكلام الى انت فاهمه ده و عايزة اعبر عن البنات دول مش جاى معايا الوحى خالص ؟.
تعرف انت بقى تعبر عن الموضوع ده ؟ مش حاتعرف ما انتوا كده يا رجالة همركوا ما تحسوا بينا ابدا ... مش حاتعرف
عين بتغمز ;)
عاليا اسفة انتى قصدك اية ؟يعنى اية ؟ كلامك ؟؟؟؟؟؟؟؟؟؟؟؟؟؟؟؟؟؟؟؟؟؟؟
عزيزي حازم
هل تعتقد أنها لو تكلمت
ستنقذك من غربتك؟
أعتقد أن هذا ما تشير إليه
ربما أكون مخطئة
لكن لذعة الغربة في كلماتك لا يصعب رصدها
كن بخير دائما
وليكن الحب هو موطنك
سطور رائعة تحمل مشاعر رقيقة
جميل البوست بحق:)
أبو صلاح العزيز ... سعيد بزيارتك الاولى وأتمنى الا تكون الاخيرة .. رددت الزيارة فوجدت مشروع صحفى واعد وجميل ... بالتوفيق و تحياتى
عالياالعزيزة ... ايه التوريطة دى طيب بذمتك أجيبها ازاى دى عموماًانا مستعد للتحدى وجارى البحث عن الوحى بس كل اما صورة الجينز الضيق ييجى فى بالى أفقد التركيز و يطير الكلام ... مش حأسامحك و مردودة
الكونتيسة الغالية ... عوداً حميداً طال الغياب وأسعدتنى العودة ... حتى لو تكلمت فلن يعود المسافر فقد فات أوان العودة كما فات أوان الكلام .. لكِ كل المودة و الاحترام
ميراج الرقيقة أميرة الحزن وسيدة الظلام ... أسعدتنى الزيارة وبهرتنى مدونتك وأسرنى كلامك ... لكِ كل الاحترام والشكر و ... تحياتى
أد ايه الانسان بيتعذب لما بيبقى شايف في عيون اللى ادامه كلام وبيبقى نفسه انه يقوله ويفصح بيه
كل مواضيع حضرتك رائعة
وبتجبرني أكتب تعليق في كل واحدة
ربنا يوفقك
أد ايه الانسان بيتعذب لما بيبقى شايف في عيون اللى ادامه كلام وبيبقى نفسه انه يقوله ويفصح بيه
كل مواضيع حضرتك رائعة
وبتجبرني أكتب تعليق في كل واحدة
ربنا يوفقك
ربما يكون الصمت معبرعن الكلام ولكن بيخنق ساعات لان بتحس ان مفيش حد فهمك ولا حاسك فالصمت احسن وبالذات فىالزمن ده بجد روعه ربنا يوفقك يا حازم هاله شلبى
إرسال تعليق