14‏/05‏/2008

وشوشات ليل الغربة


( بقايا لا شئ )
أن تقتات كل صباح على بقايا جرحك
أن تنثر رماد حلمك فوق سفوح الأرض .. عله ينبت يوماً أملاً لليائسين
خبزاً للفقراء ... زهوراً للأحبة
أن تحفر عميقاً فى ذاكرتك .. بحثاً عن ضحكة خرجت يوماً من اعماق القلب
عن لمسة حانية لا زال دفئها يسرى فى اوصالك
عن وجوه .. مرت .. نقشت فوق جدار حياتك لوحة عمرك ثم ضاعت فى زحام الحياة
أو عبرت بابها الاخير الى .. هناك
أن تصرخ دون ان يسمعك أحد غيرك
أن تقبض بقوة على كل أشيائك الجميلة .. حامياً اياها بكل الغالى و النفيس
حريصاً على الا يمسها سوء .. لتبقى بعد رحيلك
دالة عليك .. بعضاً منك .. يذكرك الناس بها
مكتشفاً فجاءة أن ما تقبض عليه قد تسلل فى رحلة العمر الطويل دون أن تدرى
وأن يداك فارغتان .. وأنك لا تقبض على شئ
سوى
أحلامك الصغيرة
حينها تبتلع غصتك ... تتمنى لو انك ما كنت
توقن أن زمانك لم يأتى بعد .. أو .. أنه ولى و تركك
........


( الدرويش و الحلم )
درويش أنت فى زمن العهر
جميل أنت فى زمن القبح
أبيض أنت فى عهد السواد
حرف نداءٍ صغير فى قصيدة صمت
حين تمتطى صهوة الاحزان .... وحدك
شاهراً حلمك
لتعلن حربك المقدسة ... على المجهول
مشدود ظهرك بهم
هم .. حبات المطر المنثور فى أرض الوطن
هم .. نبت الارض الطيبة
من أجلهم جئت
ولهم تحيا
وبهم ... تواجه حتى الموت ... مبتسماً
لتفاجأ حين يفرون من خلفك
أنك لست سيد الاحلام
وأن الحسين قد مات يوماً ... هكذا
........
( رسالة الى سيدة الحزن و الجمال )
حين يسدل الليل ستائره على الارض الغريبة
ويمارس الكون طقوسه اليومية ... فى ستر عورات البشر
ويلملم المساء من خلفنا ... أوراق عمرنا التى سقطت للتو
ونردد جميعاً ... أنشودة الصمت
أجئ اليكِ
كى أغسل روحى فى محراب حزنك
كى أتوضأ من ماء دموعك
كى اتلو وردى بين يديكِ
واضمُ جناحَيا على بابك .. و .. استريح
محاولاً فى كل مرة
أن أغزل من ألمك ثوباً يدارى سوءاتى
أن اصنع من حروفك .. صورة عمرى الذى كان
مبتدءاً حزنى بكِ
منتهياً فرحى لديكِ
أجئ اليكِ
فقط كى اتأكد أنكِ لا زلتِ


سيدة الحزن و الجمال

هناك 38 تعليقًا:

فاتيما يقول...

حاااازم
يا عصفور
لازم أكون أول تعليق
أولا حمدلله على السلامة من زحمة المواصلات
و ثانياً وصلنى سلامك عند مدونة يوسف و لولا إنك أستجرت بالعزيز الغالى مكنتش عديتها بسلام بس إنت عارف نقطة ضعفى الظاهر و خلاص شكلى كده موش عارف أزعل منك أبداً
ثاثاً
وحشتنا كلنا و نفسى أعرف موووت إيه اللى بيخدك مننا جامد كدا ؟؟
رابعا
الكلام الحلو دا اللى فى الىخر دا عشانى ؟؟
طب لما هوه كده ... قاطع بينا ليه يا حازم و مبتجيش كتير تطمنى عليك طيب
أشكرك من قلبى يا عصفورى الحزين
و ربنا يسعد قلبك دايما
و متخدنيش فى دوكه و قوللى مجاوبتش على التاج ليه يا أستاذ ؟؟؟؟
http://ro7albmama.blogspot.com/2008/04/blog-post_26.html

غير معرف يقول...

حازم
حمدلله على سلمتك ونورت مدونتك
ياسيدة الحزن والجمال دى اكتر حاجة شدتنى
اسلوبك رائع 00متميز
تحياتى للشاعر الجميل

Unknown يقول...

يا سلااااااااااااااام

اخيرا بوست يا حازم بجد زعلانين منك جدااااا

على العموم حمد الله على سلامه البوست الجديد ومش هقولك حمد الله على سلامتك علشان انا زعلانة منك

على فكرة دة مش تعليقى على البوست بس انا حبيت امسى عليك وهارجع اكتبلك تعليق على البوست مع انى عارفة انك ممكن ما تردش علية خالص او ممكن لو صعبنا عليك ترد على التعليقات بعد خمسين سنة كدة ربنا يدينا العمر بقة

بس هنعمل اية مانقدرش نشوف كلام بالاحساس دة ومش نعلق علية

تحياتى ليك يا حازم

نوراى

غير معرف يقول...

جميل جدا ياحزوم
مش عارف ليه الحنين للحلم والماضى يسيطر علينا ألأن زماننا قبيح
ام هو عدم الرضا عن حاضر ممسوخ
بس بجد ايام المستشفى والبحر والفقر وحشتنى.....جميل ورقيق كلامك يا حازم

Unknown يقول...

حمد الله ع السلامة نورتنا تانى و عصرت قلوبنا التلاتة اقوى من بعض كانوا عايزين كل واحدة منهم تتحط فى بوست لوحدها
واحدة واحدة علينا يا عم احنا اصلا مش مستحملين

بس اكتر واحدة عجبتنى بتاعة الدرويش

غير معرف يقول...

تحياتى واشواقى ياحازوم انا عارف ان الغربه والحنين للماضى قدرلابد منه فى عصر من الصعب العيش فيه.
بس الاحساس ده نعمه من عندالله عشان كده
لازم ماتبعدش كتير وتمتعنا بكلماتك الحنونه ياأبوحنين.
اكتر ماأعجبنى سيده الحزن والجمال.كلمات ومعانى روعه فى التعبير.فهل من مزيد.
خالص تحياتى
simsim

. يقول...

رقييييييييييييييييييييييييييق
رققققققققققييييييييييييييييقققققققق
من اكتر الاساليب قربا الى قلبي
ونفس الافكار
بجد وحشتنا كلماتك
يا ممتتع
تحياتي

كراكيب نـهـى مـحمود يقول...

منذ ايام ادخل اتصلصص على البوست اقراه واغادر ثم اعود واسال لما كل هذا الحزن
لماذا اشعر ان شبابيك الفجر معطلة هنا
هل تشتري معول لتكسر الحائط لينفذ الضوء
رجاء افعل لان الشمس تستحق
رقيق وعذب وحزين ايها الصديق الغالي جدا

dodda يقول...

كل دى غيبه؟؟؟؟

حمد الله عسلامه

فاتيما يقول...

أنا موش هقول حاجة خالص
عشان مفيش فايدة يظهر
انا هاجى هنا
و خلاص

. يقول...

انتا فين يا سيدي الفاضل
مينفعش الغيبة دي

•√أريـ السمر ـج√• يقول...

قد ايه ساحرة و مؤلمة احلامك الصغيرة .. أرى الأغتراب فى كل حرف من كلماتك النابضة


دمت بكل الخير و ان شاء الله القادم مشرق اكثر فلا تيأس من الأحلام و أقبض عليها بقوة

عندما انتهيت من صنع سفينتى..جف البحر يقول...

انا بس عاوزة اقولك وحشتنى جدا
ومن كتير مدخلتش عندك وبلوم نفسى على التاخير
كلامك بيوجعنى جدا
وديما بيصيب الهدف

بقايا لا شئ
مكتشفاً فجاءة أن ما تقبض عليه قد تسلل فى رحلة العمر الطويل دون أن تدرى
وأن يداك فارغتان .. وأنك لا تقبض على شئ
سوى
أحلامك الصغيرة

رسالة الى سيدة الحزن و الجمال
أغسل روحى فى محراب حزنك
كى أتوضأ من ماء دموعك
كى اتلو وردى بين يديكِ
واضمُ جناحَيا على بابك .. و .. استريح
محاولاً فى كل مرة
أن أغزل من ألمك ثوباً يدارى سوءاتى
كلام مبدع حساس
لك منى كل امنياتى بالخير

فاتيما يقول...

حازم ؟؟!!!

فاتيما يقول...

أنا هسيب الكلمتين دول
عشان أعرفك
إنى كنت هنا
بس
خلاص

غير معرف يقول...

حاااااااازم
حااااااااااااازم
حاااااااااااااااااازم
ياريت يكون صوتى وصل

غير معرف يقول...

السلام عليكم و رحمة الله و بركاته ...
سلام من أعماق الفؤاد يمر عبر الأثير إليك أخي الكريم " حازم " .

مسرورة جدًا لأن Google ألقاني هُنا حيث الأرواح تسبح حيث العالم من المشاعر و الأحاسيس حيث رهفها حيث النقاء و الصفاء منك و من الأخوة و الأخوات .

أهلا بأهل مصر أهلاً و سهلاً أهلاً كبيرًا جدًاأخي العزيز غزير الإحساس عميقه الغائص في أعماق الذات أعجبت جدًا بما نهلته هنا و أسعدني حضوري هُنا .
و كان أول حرف أعانقه هو سفر الروح
حيث كنت أبحث و يا له من سغر. كلماتك أتت
عميقة و لكن لم الحزن ؟ لماذا أنت و أنا و أنا و أنت و أناسٌ كثيرون
كان الحزن لهم حكاية الصباح و المساء .
لماذا نحزن ؟ ! و لماذا تتفطر قلوبنا ؟!أهناك سر في ذلك أم هو ديدن الحياة . هل هناك وصفة سحرية تعالجه ؟!أم أننا نحتاجه و بشدة .
لماذا نحزن و فوقنا السماء لماذا نحزن و الكون كبيرُ جدًا لماذا نحزن و الشمس تشرق كل يوم كما تغيب لماذا نحزن و الصبح ينبثق بشعاعه الأبيض كل يوم لماذا نحزن و نحن نتنفس كل يوم ؟!لماذا لماذا ؟!أعذر أختك أخي العزيز حازم فأنا لستً مصابة فقط بالحزن إنما بالجنون أيضًا . اتمنى أن يكون حضوري لطيفًا لا ثقيلاً .

أختك ...سفر الروح
من البحرين ....

فاتيما يقول...

اخبارك إيه يا حازم ؟؟
يا رب تكون بخير

soul of love يقول...

جميل اوي كلامك بجد عجبني جدا انا اول مرة اعلق بس ان شاء الله مش اخر مرة لان مدونتك بجد جميلة .ربنا يوفقك واتمنى لك المزيد من الاعمال الرائعة

أحمد سلامــة يقول...

الجزء الاخير يستحق كونه متتالية منفصلة من العزف الكلامي المكتوب
لا يقلل من جمال الاجزاء الاول اطلاقا
لكن كان له رونق ولون جميل من الشجن يستحق معه ان يكرم كوحده مستقله
لكنك ابدعت في وصف وشوشاتك الليلية جدا
تقبل تحيتي ومروري

الناس بتنادي بقالها شهرين ؟؟
لعل المانع خير

Unknown يقول...

انا هنا لألقاء السلام و الاطمنان
كل رجب و انت طيب

•√أريـ السمر ـج√• يقول...

اتمنى تكون بخير
كل عام و انت طيب و لله أقرب

دمت بكل الخير و تعود بالسلامة ان شاء الله

abo salah يقول...

بعد السلام عليكم

كالعادة ياحازم
مبدع

وكلام رقيق يملؤه مساحات واسعة من الشجن

معلش ياحازم أسف لتأخرى عليك بس أنا كنت منقطع فترة عن التدوين
ولكن قدر ربنا وعدت مرة أخري

بس واضح أنك غايب بقالك فترة طويلة
لعل يكون المانع خير
وياريت تطمنى عليك ياصديقى لأنك واحشنى أوى

تحياتى
وفى إنتظارك

أسوور يقول...

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

مجلة الأم الصغيرة يقول...

بوست رائع خاصة : (أن تحفر عميقاً فى ذاكرتك .. بحثاً عن ضحكة خرجت يوماً من اعماق القلب
عن لمسة حانية لا زال دفئها يسرى فى اوصالك
عن وجوه .. مرت .. نقشت فوق جدار حياتك لوحة عمرك ثم ضاعت فى زحام الحياة) ا


حلو أوي بس كئيب كده ليه؟؟
حقولك حكمة بحبها أوي :-
“Optimism is The doctrine that everything is beautiful, including what is ugly, everything good, especially the bad, and everything right that is wrong. ... It is hereditary, but fortunately not contagious.”


تحياتي لك

Unknown يقول...

رمضان داخل و ياريت تبقي متواجد تحسسنا باللمة أنت مش ناوي تنزل أجازة ؟ نفسي أعمل أفطار رمضاني و تحضره كده و تنور الساقية

Unknown يقول...

مش كفايه كده بقى ولا ايه يا جدع انت
كل ده مستنينيك يعني
عليك غرامة تأخير
شوكولاتايه جالكسي بالمكسرات
احضر والا هنسحب منك الرخص في ظل القوانين الجديده

Unknown يقول...

محتاجه كلامك في غربتي

فاتيما يقول...

و بعدين يا حازم فى غيابك دا ؟!!!

قلب ينبض لله يقول...

أنت فلسفتك في الحزن جميله
وكلماتك سهلة وجميله جدا ومليانة أحساس

بقايا لاشيء
أسمحلي اهنيك عليه

تحياتي

Unknown يقول...

كل سنة و انت طيب بمناسبة شهر رمضان
يا ترى عامل معاك ايه فى الغربة ؟

Unknown يقول...

لكل أحبائي المدونين أرجوا زيارتي للتعرف على تفاصيل أفطار جماعي

MKSARAT - SAYED SAAD يقول...

حازم
الصديق هل احلامك الصغير لم تعد موجوده هل خطفتها ايد أخري لم اتعود على كل تلك الغيبة فأتمنى أن تكون بخير

غير معرف يقول...

بلاش غياب عن المدونة ؟؟
كفاية كدا
اكيد مستنين نقرى حاجة جديدة
المدونة ملهاش ذنب فى الظروف المحيطة بنا من شغل وحاجات تانية كتير
من ناس بيعزوك

فاتيما يقول...

يا حازم
إين ذهبت ؟؟؟؟؟؟

غير معرف يقول...

ياترى انت فين يامرزوق المدونه مكسور عليها شهرين وبلاعة الحمام طفحت فيها والفران معششه جواها ارحمنا وافتح علينا

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

فاتيما يقول...

أنا شكلى بقى وحش قوى على فكرة
و الناس كدا هتفتكر إنى مسلفاك فلوس و لا حاجة و إنى شبه الديانة
بتوع الأفلام الأبيض و أسود لما كانوا
بيلزقوا على باب الشقة
لحد ما ياخدو فلوسهم
طب يعنى زى كل مرة و مفيش فايدة
همشى محبطة
و يائسة من إنك تعود سريعاً
طيييييييب
سلام يا عصفور