11‏/10‏/2007

عيدى و عيدكم


فى مثل هذا اليوم جئت الى الدنيا
من عام الهزيمة جئت
أطلقوا علينا مواليد النكسة ... لم يستغرق منا الامر كثيراً حتى نعرف طعم الحزن
إستنشقناه مع نسمات الهواء الاولى لنا فى هذه الحياة
فتحنا أعيننا للمرة الاولى لنراه فى عيون الاهل
وجدناه مزروعاً فى تراب الوطن حين جئنا
حاول السياسيون حينها تجميل الهزيمة فأطلقوا عليها " نكسة " لم يسعفهم خيالهم أن يعرفوا أن النكسة الحقيقية لم تأتى بعد .. أن النكسة ليست الهزيمة من عدوك فى جولة .. أن النكسة هى أن تهزم أمام نفسك قبل الاخرين .. هى أن تبيع الوطن بيديك لا أن يسلب منك فى معركة
جئنا يا سادة محملين بوزرٍ لا ذنب لنا فيه .. موصومين بعار فضيحة لم نصنعها
وكبرنا .. وتحقق النصر .. خبرناه اطفالاً فى عمر الزهور .. غنيناه مع الكبار ورددناه مع حليم و "النجمة مالت على القمر " .. كبرنا على صورة القائد بزيه العسكرى الجميل و عصاه المارشالية و خطبه النارية و قراراته الجريئة حيناً و المحيرة احياناً و التى قادته الى حتفه
لم نستسلم و استبشرنا خيراً بالقادم .. ! لكن القادم يا سادة كان بطلاً من ورق
وضعنا على أول درجات سلم الاحلام و تركنا .. طار بنا كعادته الى السماء وتخلى عنا هناك بلا أجنحة فسقطنا و سقط الوطن .. إنكسرنا يا سادة ورفعنا و نحن شباباً رايات اليأس
هرب منا من هرب وبقى منا من بقى
الهاربون يقتلهم حنين للوطن .. و الباقون تقتلهم رغبتهم فى الفرار منه
هذا هو جيلنا يا سادة
جيل الانكسارات .. جيل الاحلام التى كانت
اليوم يا اعزائى عيد مولدى
أربعون عاماً مضت
لم اتخيل يوماً أن تحمل ذاكرتى هذا الكم من الذكريات
أن تحمل روحى هذا الكم من الهموم
أوأن يحمل قلبى هذا الكم من الحنين
عزائى وأنا أخطو خطواتى الاولى فى عالم النضج .. عزائى وأنا أودع عالم الشباب أنكم معى .. أصدقاء لم أعرفهم لكن أحببتهم .. أشتاق اليهم ليؤنسونى فى غربتى وأعود اليهم ليخففوا عنى وطأة الحنين
عزائى أنكم هنا لتقولوا لى كل سنة وأنت طيب
وكل 40 سنة واحلامك الصغيرة بخير
-----------------------------------------
الان جاء دورى لأقول لكم كل عام و أنتم بخير بمناسبة عيد الفطر ... دامت أعيادنا و دامت سعادتكم

هناك 24 تعليقًا:

•√أريـ السمر ـج√• يقول...

كل سنة وانت طيب عيد سعيد
اعاده الله عليك بالخير

و كل سنة و انت بأحلام أكبر و أكبر .. و امنيات اجمل .. تحياتى لك و لاسرتك الكريمة

القلب على القلب رحمه يقول...

كل سنه وانت طيب 00 وايام سعيده وامنيات بتتحقق انشاء الله
الحقيقه انا مدونه جديده وبجد لايصه خالص 00 مش عارفه استعرض باقى المدونات واللى بينكتب فيها ياريت تساعدنى فى ده واكون لك شاكره
كل سنه وانت طيب مره تانيه
فاتن

sahr يقول...

كل سنة وانت طيب
عيد سعيد

اسكندراني اوي يقول...

دا كده العيد عيدين

طب كل سنه وانت طيب تقبل الله الطاعات

وكل عيد ميلاد وانتي طيبه وعقبال 100 سنه

لك خالص التحيه

_ زين_ يقول...

العزيز حازم
كل سنة وانت طيب يافنان
الحقيقة أنا مش عارف إنت عمرك قد إيه علشان تتذكر الهزيمة،قعدت 25 سنة عاوز أكتب حاجة عنها لم أستطع إلا نهاية العام الماضي، وأهي رواية بعنوان ملائكة زمن الهزيمة هاتطلع من ميريت الأسبوع اللي بعد العيد وحاجزلك نسختك هاأبعتهالك في البريد على الله تعجبك.
ثانيا هزيمتنا كما قلت هي نحن وليس حربا خضناها، يمكنك أن تخسر ألف حرب لكن عليك أن تكسب نفسك دائما، يمكنك أن تهزم ألف مرة لكن لاتنسى أنك أنت الذي تصنع الانتصار وليس الآخرون، أعتقد جازما، أننا نحب وطننا إلى درجة لايعيها الكثيرون من باعة النفط ومشترو الجواري، وهذا السبب أن هذا البلد مازال يقف على قدميه رغم معاول الغدر التي وجهت إليه من الجميع من الخونة الوطنيين ومن مدعي الزعامة، ومن الأقزام الذين تخيلوا أنهم عمالقة.. أبدا لن ننكسر.. أبدا
تحياتي وحبي الدائمين على البعد
وكل سنة وانت طيب

غير معرف يقول...

كل سنة وانت طيب ياحازم وعيد سعيد ويارب يدوم عليك السعادة والصحة والاحلام الجميلة 00 تحياتى
الحب الجميل

إيمان يقول...

كل عيد وانت بخير وراحة بال وسعادة ودفء بين أهلك وأحبابك

تحياتى

سهر الليالى يقول...

عيد عليك مبارك
كل سنة وانت طيب وأحلامك الصغيرة أحلى وفى تألق دائم

حقيقى تأثرت بكل كلمة كتبتها وأنا بقراها حسيت وعشت كل لحظة معاك فى كلماتك
يمكن أنا محضرتش زمان بس معاصرة دلوقتى أوى وفعلا للأسف هو دة اللى حاصل
ربنا ينجينا

وأصدقائك دايما حواليك كل عام وانت فى تألق

تحياتى

سهر الليالى يقول...

أة نسيت أقولك
على فكرة الموسيقى فى منتها الجمال وعاملة حالة جميلة مع كلماتك الرائعة
بس
:D
سلام

مدحت محمد يقول...

ياللا كل سنة وانت طيب
يمكن ده اول مرة امر على المدونة
بس بجد خطيرة
كل سنة وانت طيب تانى

أبوشنب يقول...

كل سنة وانت طيب

ليا سؤال بس يا حازم

هو انت مش متجوز ولا ايه

اصل واضح ان حياتك فيه نكسة واحدة بس لغاية دلوقتي

عيد سعيد

عندما انتهيت من صنع سفينتى..جف البحر يقول...

حازم انت بتوجعنى اوى على فكرة
ومعاك بتيجى جوايا افكار واحاسيس كتير ساعات بتكون تايهة او مستخبية
انت مسافر فين الأول لو ممكن اعرف علشان على فكرة انا بحب البلد دى اوى على الغرم من ضياع احلام كتير فيها بس بموت فى التراب والارض والناس العجوزة بتاعتها وبحب اوى ريحة الأرض الزراعية فى الصبح يااااه تهبل
وبحب كلالاغانى الوطنية واحيانا بعيط وانا بسمعها مع انى مش من جيل النكسة ولا حاجة
المهم كل سنة وانت موجود معانا يا جميل

غير معرف يقول...

كل سنه انت طيب يا حازم وعقبال 100 سنه وانت ممتعنا كده بكلماتك الجميله ده وربنا يخليك لينا وعيد سعيد عليك هاله شلبى

كراكيب نـهـى مـحمود يقول...

في عامي الاربعين ساحرق كل الماكب وابدء من وسط البحر تماما
كل سنة وانت طيب
لعيدك وعيدنا

غير معرف يقول...

اولا كل سنه وانت طيب ياحازم......اظن انه ان الاوان ان نتحرر من احزاننا او نستسلم للموت حزنا فكثير الحب حزن والفراق حزن والغربة حزن وبعض اللقاء حزن ولنا ان نرى نصف الكوب فارغا او مليئا لكن لاتدع الاحزان تقتلك واجعل منها وقودا لاله الحياة التى لن تقف بموت فرد او احزانه اريد ان اقرأ عنك ابداع فى الفكر لا رواية عن الماضى او شعرا حزينا او فرحا لكن شعرا من قلب يريد الحياة لا الموت .

Unknown يقول...

رغم ان النت قاطع عندى و وقتى فى السايبر ضيق لكن ما كانش ممكن ما عديش على رفيق الاحساس الجميل و اقوله كل سنة وانت طيب
ليك وحشة و الله يا استاذ حازم من الناس الى افتقدتهم بجد طول الفترة الى فاتت يا رب تمتعنا دايما بكتاباتك الجميلة و ترجعلنا مصر بالسلامة

MKSARAT - SAYED SAAD يقول...

حازم يا صديقى العزيز كل عام وانت بخير وصحة وسعادة
ان كانت النكسة او الهزيمة او مهما كان مسماها شوهت بعض الذكريات منك زرعت بعض الورود السوداء في حيقة ماضيك لكنها لم ولن تتمكن من قوة وجمال قلمك صديقى لا تدع قلمك يتوقف فأنت رائع تحياتي

أندلس يقول...

افتقدت مدونتك
طال وقت انقطاعي
كل عام وأنت بخير للعيد
وكل سنة وانت طيب ليومك

altwati يقول...

كل سنة وأنت طيب

هون عليك يا أخي
تحياتي

Bassma يقول...

كل سنه و انت طيب و احلامك الصغيره بتحاول تتمدد و تكبر من غير ما شرخ طولي يوصل من رقبتها لرجليها يوجعها فتتكسر ..
فتضطر تولد احلام جديده مبتسره يا عالم هتعيش من غير حضانه و لا هتستلم و تموت

تــــ(حـنة)ــــر يقول...

كل سنة و انت طيب
وعلى فكرة
اسلوبك حلو قوى فى الكتابة
تحياتى
تمر حنة

Unknown يقول...

عندى ليك تاج حالم زيك زى مايكون معمول علشانك يا شاعر الأحساس المعترب تعالى عندى عشان تخده

نورسين يقول...

حازم: اذكر اني هنأتك بالعيد ولكني حقا خجلى من نفسي ،، فكم مضى على عيد ميلادك كي ابعث لك بتهنئة؟؟ " بايخة مش كدة؟" عموما معلش حقك على راسي أيها الحالم المغترب - وكل سنة وجناب حضرتك طيب وبألف ،، لأ مليووووووووووووووون خير وصحة وسلامة يا رب
ـــــــــــــ
في الحقيقة يا حازم عايزة اعترفلك اني قليل لما يتشدني اي كتابات عن الحرب بل ممكن اسيب روايه بحاول قرائتها بسبب الموضوع ده ،، ولكن البوست بتاعك ده انت فعلا ابدعت فيه ،، لأني قرأته باستمتاع واحساسك العالي اللي فيه وصلني تماما ،،
مش عارفة اقولك ايه
لكن كل سنة وانت معانا ومستمتعين بحنينك اللآنهائي
ـــــــــــــــ
خالص تحياتي القلبية
لك ولقلمك
ايها الحالم البعيد

hazem shalaby يقول...

أحبائى و أصدقائى .. لا أعرف و الله ماذا أقول .. كلماتكم أحاطتنى فلم أعد قادراً حتى على التعبير عما يختلج فى صدرى من احاسيس تجاهكم .. يكفينى من الفرح القدر الذى شعرت به وأنا أقرأ تهانيكم .. يكفينى من السعادة سعادتى وأنا أرى أسمائكم تزين مدونتى وتبارك لى .. يكفينى من الدنيا أنكم معى

شكراً لكم .. شكراً لكم .. شكراً لكم