11‏/10‏/2009

وجع البعاد



حدثينى و قد طال البقاء على سفن الرحيل
عن لحظة لم أعش مداها
وعن قمر لم أرى نوره
عن سماوات لم تعد تظلنى
وعن كتاب لم أقرأه
وحكاية .. تاهت حين قررت الصمت
حدثينى
عن قصيدتى التى لم اكتبها بعد
عن شجرة عمرى التى سقطت منها اليوم ... ورقة
وعن العمر الذى اشتراه النخاسون ... وارتضيت الثمن
حدثينى
قبل أن يجئ الليل حاملاً بين يديه العتمة

 قبل أن يخلد أسمى فى دفتر غيابك
وقبل أن ترحلى و معك الحكايا
حدثينى
فلم يعد فى الارض متسع لحزنى
ولم يعد البكاء متاحاً لعينى
و
خذينى
الى أقصى الارض و اتركينى وحيداً
ربما التقى هناك ... النجمة التى أنجبتكِ

هناك 10 تعليقات:

كراكيب نـهـى مـحمود يقول...

ايتها النجمة الحنون
الساحرة المباركة - دليه على طريق يهدأ له قلبه وتطمئن عنده روحه الحائرة الحزينة
يا نجمة البعاد خففي وجعه ورديه لأرض يعرفها حيث رائحة الصبا وحكايات الحب
صديقي الرائع حازم اشتقت طلتك العذبة على كلماتي اشتقت كلماتك الجيله
لا تغب طويلا
لانه دوما هناك من ينتظرك
كل المودة والتقدير
نهى

طارق سعودى يقول...

شوف بقى يا ابو سويلم يا اخويا
غربة ..وطلع 3 روح اهلى فيها
بلدى.. وشارب الذل فيها
مدونتك ودفعت المكسور عليك فيها،نور ،مياه ،نزح، غفرة. ماخلتش يا بشمهندس
انا تعبت من المفاجأه وضاعت بُلغتى
مفيش احلى من الوطن والدخول فى مشروع مبوله شرك على طريق بابل عند الازيار.
ومع ان الكلام اللى كتيته حلو بس اللى قبله احلى منه. المهم عودة الندل مشفتش الوحى بتاعى اصله وقع منى ع الطيارة وانا جاى.

لماضة يقول...

ايه ده
اخيراااااااااااااااااااا
حمد لله على السلامه

فاتيما يقول...

معلش هغش الجملة من لماضة بنتى حبيبتى و اقولهالك برضو
و اخيرااااااااااا
يا حازم
خايفة اقول حمدلله ع السلامة
لحسن تفرد الجناحين و تهج تانى
عملتلى عقدة بشنيطة يا جدع
بقيت اخاف اكتبها هنا من كتر ما بتغطس بعدها و لا تقبش
كالعادة رقيق و حالم
بس احلامك مش صغيرة
دى كبيرة قوى
عاوزها تحدثك عن إيه بس ؟
منتا عارف كل كلمة
و حافظها اكتر من اسمك تقريباً ....
معرفش ليه كل متغرب بيخطف قلبى بمشاعره
إنت و هنودة و المراكبى و حاليا نيجرو و ناس كتير بمجرد ما تخرج من البحر تبقى زى السمكة عمالة تتلوى من الألم عشان تعود للحياة من جديد
خصيمك النبى يا شيخ ما تغيب تانى
فيه ناس كتير بتحبك و تستناك زى ما قالت نهى محمود
لا تخذلهم و تشد الرحال على حدود المجرة
لأن الرحلة بتبقى طويييييلة
و بننشغل عليك قوى
نورت البلوج سبوت كلاته
يا عصفورى الذى أرقه الحنين

فاتيما يقول...

آه ...كل سنة و إنت طيب

الحب الجميل يقول...

صباح الخير صديقى العزيز حازم
أولا أهنيئك برجوعك للمدونة
ثانيا كل سنة وأنت طيب00 عيد ميلاد سعيد0
وياريت مش تهجر المدونة تانى عشان انت عارف ان دى أحب المدونات لقلبى وبرتاح لما أقرى كلامك الذهبى0مبسوطة انى دخلت المدونة ولقيتك كاتب وطبعا كالعادة كتابة اكثر من رائعة 0
وأختيارك للأسم 00 وجع البعاد 00 بجد لوحدة كدا فية كلام كتيرررر وأحاسيس ومشاعر والاسم بيتكلم عن نفسةوربنا مايطول البعاد ان شاء الله 00 ربنا يرجعك بالسلامة لكل مين بيحبك وياريت متغبش تانى كل الفترة دى عشان احنا بنشتاق لكلامك المغزول0
منور مدونتك ياحازم ودايما يارب منورها كدا بكلامك0
تحياتى00 الحب الجميل

الست فرويد يقول...

مدهش للغاية

تحياتى و تقديرى

SAYED SAAD يقول...

حازم شلبي الصديق الحالم الذي اكن له الاحترام وايضا العتاب
كم انا سعيد جدا بأن اراك تكتب من جديد وانك تعود ايه العصفور المهاجر
كنت ازور مدونة الصديقة العزيزة نهي وفوجأت بتعليقك للحظات شرد زهني في كلمات سابقة لك لكن فرحتى دفعتنى للرجوع للتعليق عندك من جديد حيث اعتقد انى فقد اصدق الاشخاص للتعليق والمتابعة عندي وعنده
وجع البعاد...... كلماتك قدر ما هي جميله وهادءة الا انها حاده كالسكين صديقي تمتعت بقدرة السهل الممتنع تلك المره
لا ادري شعرت بأن بطلك هو الوجه الاخر لنفس الرجل الذي تحدثت عنه انا في البوست الاخير رجلين يحملا اقوي المشاعر في التعبير عن حالهم الصور ايضا تحمل نفس المعني عن وجع البعاد والانتظار لفترات ارهق كاهلها الملل من كثرة الرحيل لكن مجرد سطوع الامل من جديد ستتبدد كل هذه الغيوم بسرعة جدا
جمله اعجبتني جدا (حدثينى فلم يعد فى الارض متسع لحزنى ولم يعد البكاء متاحاً لعينى) الصمت امامها اقوي عندي من التعليق عليها فهي تحمل مئات المعاني
ابقي بخير دائما
صاحب المكسرات
سيد سعد

غير معرف يقول...

كل عام وانت بخير...

لم أيأس من المرور هنا، فهنا حروف لا تهجر

لا تغيب،، فهناك من ينتظرك

السعد

عندما انتهيت من صنع سفينتى..جف البحر يقول...

نورت الدنيا كلها متغبش تانى
انا مش باجى هنا كتير بس بعشق حروفك
ربنا يحفظك