05‏/03‏/2008

حكايا النورس الابيض


كان و كان
يحكى أن الشاعر يوماً ..... كلم موج البحر
ربت سطح الماء بكفيه
كالمهر الجميل
همس بأذنيه
أن أهدأ قليلاً .... حتى أكمل أخر لوحاتى
غمس الشاعر فى ماء البحر ... الفرشاة
حملت أطرافها طعم الملح
بعض جنون البحر و عذاباته
حاول أن يرسم صورتها فوق الماء
ارتعشت يده ... غابت ملامحها من ذاكرته
القى الشاعر فرشاته
خط بأصابعه فوق رمال الشاطئ
حروف الاسم ... و ... جلس
حاول الحنين فتح خزائنه القديمة
قاوم الشاعر
مال ثانية نحو صديقه البحر ... همس بكلمات
عاد البحر بعدها ليمارس طقوسه فى إغتصاب رمال الشطآن
أستدار الشاعر و مضى
فض البحر بكارة حلمه
وأضاع حروف الاسم
..........

إنى وحيد
فأحملنى ايها النورس الابيض
الى شواطئها البعيدة
حلق بى فوق الاشجار
إسقنى من ماء النهر
أصحبنى بعيداً
ربما
ربما نلتقى يوماً هناك
على أطراف الحلم
..........

حين أناجيكم
أكسر صمت الذات
أسرق من آفاقى الحزينة ... بعض الفرح
حين أغيب ثم أعود فأجدكم فى انتظارى
حينها و حينها فقط
أعلم أنى لست وحيد

هناك 36 تعليقًا:

فاتيما يقول...

حااااازم
يخرب عقلك
حمدلله على السلامة
ألف مرة
أنا بحجز مطرح و بعدين هقرى التدوينة الجديدة و أقولك تعليقى
بس أنا فرحانة قوى برجوعك
بلاش حركات النص ربع تمن كم دى تانى
هااه
سلامى
يا غالى

فاتيما يقول...

بموت فى الغنوة دى لفيروز
صباح و مسا
شى ما بينتسا
تركت الحب أخدت الآسى
شو بدى دور
لشو عما دور
على غيره
فيه ناس كتير
لكن بيصير
مافى غيره
حبيبى كان
هنى و سهيان ما فى غيره
حملنى سنين
مانن هاينين كتر خيره
صباح و مسا ..
.....
حازم
يعرف طير نورسك الأبيض ياخدنى معاه لبعيد
أشوف أنا كمان روح قلبى يوسف؟؟
عموما خليه يحجزلى مكان
أهو يودينا... ان شالله فى الحلم
و تبقى لوحدك أزاى يا سيدى اومال إحنا كلنا روحنا فين
العود حازم
يا حازم
و التدوينة رقيقة زى أحلامك و حنينك
تحياتى الخالصة

غير معرف يقول...

حازم
حمدلله على سلامتك 00تغيب وتغيب وتجى جواك كلام اجمل واجمل
احلامك كلها جميلة وحنينك اجمل 0
البحر00000000
احلام البحر 00 حاول ترسم الصورة 00هتلاقى ملامحها محفورة جوة ذكرياتك الجميلة0
أنى وحيد
فحملنى ايها النورس الابيض الى شواطئهاالبعيدة 0000
عارف ياحازم دة احساس كل واحد فينا انة وحيد لو غاب عنة حلمة وذكرياتة الجميلة حتى ولو كان وسط جموع من البشر هيحس انة وحيد طالما غابت شمس حبة وذكرياتة وحنينة
فكرتنى ياحازم بالبحر 00 لية ذكريات فيها واحلام عمرها ماتتنسى مع حلمى الجميل بس مكتبتش حروفة على رمال البحر ولا صورتةعلى المية 00كتبت حروفة فى قلبى ورسمت صورتة فى عيونى حتى ولو ذكرياتى غابت عنى هى محفورة جواية0
تسلم ايدك اللى كتبت وتحياتى لمشاعرك واحاسيسك الفياضة
روعة اكتر من روعة
متغبش عنا تانى 00 محتاجين نسمع كلماتك اللى بتأثر فينا
تحياتى ليك
الحب الجميل

. يقول...

كيف يصبح من هو مثلك وحيدا

بوستك وداني لعالم تاني



اتمنى لا تغيب لفترات طويلة فانا انتظر كلماتك

تحياتي ايها الشاعر الرقيق

سهر الليالى يقول...

يااااااااااه
عودا حميدا شاعرنا الجميل

القصيدة رائعه جدا
تحمل كلام وكلام واحاسيس كتيرة اوى اوى
ورسمت صورة أتنقلت بكل تفاصيلها
ولوننا كنا نفسنا تنقلهالنا بالصوت كمان فنسمع بماذا همس الشاعر للبحر
:)

كلامك كمان بيحمل حنين كبير اوى

أما عن حكاية الوحدة فأوعى تقول كدة أحنا كلنا هنا تحت أمرك بس أنت تعالى وبلاش الغيبة دى حتى لو كنت حتضطر تسرق الأوقات

تحياتى شاعرنا الجميل
وفى أنتظار تألقك الدائم

غير معرف يقول...

حمدلله على السلامه يا غالى ايوه كده مش بقولك غيابك ده توابعه رائعه بس بتوحشنا كلام جميل اوى يا حازم واحساس رائع من شاعر جميل ولسه لما تيجى فى الصيف وفنجال القهوه فى الجونينه هتطلع حاجات اجمل وحشتنى.....! هاله شلبى

Unknown يقول...

حازم اية اخبارك

يارب تكون بخير

هحكيلك حكاية صغيرة خالص

كان يا ما كان يا سادة يا كرام

عصفور عاشق حيران يحلق دايما فى سماء الحب والهيام

فهو عصفور من فصيلة نادرة جدا يجيد فن الرسم بالكلمات على البحار والشطان ولم يكتفى بهذا فقط بل واخذ يحفر ويرسم بكلماتة فى قلوب كلا منا

فهو يتفن فن السحر والشعوزة فمن كلماتة يمكنك ان تصنع حجابا ليحميك من صعقات وضربات الزمن يملا قلب الحزين بالامل والراحة

ولك حق الاختيار الا ان تضع تلك الحجاب فى قلبك او ان تضعة تحت مخدة نومك لتضمن ملانستة اليومية لذهنك وقلبك فى ذات الوقت

ولكنة لم يكتفى باستخدام ادوات الشعر اه اعتذر اقصد ادوات السحر الكتابية
لكنة توج مدونتة بتلك المقطوعة الموسيقية التى تحكى عن اشياء كثيره قد نجدها بين سطورة او قد لا نجدها معلن عنها الا بين ضلوعة

والتى تراها تكسرك وتمزقك بل وتسرقك على غفلة منك وتجبرك على تسليمها كل حواسك لتاخذك معها لبلادا بعيدة جدا لا يعرف ملامحها الا تلك العصفور

فهو عصفور سافر اينما سافر ولكن يؤرقة الحنين فيرجع ليحفر فى ذاكرتنا وقلوبنا ببعض كلمات السحر اياها

ويا خذ حقيبتة كعادتة ويغادر

ويطول الغياب

فهو يتقن فن الرحيل

ايا ايها العصفور الشارد الهائم فى سماء الحنين الا من يوما لترسى اقدامك وتنسى ذاك الرحيا الذى اعتدنا علية منك؟؟؟؟!!!

حازم وحياتك لو قابلت العصفور دة صدفة يعنى ياريت تبقة تبلغة انة ما يغبش علينا كدة تانى

لاننا نفتقدة جدااا

تحياتى

نوراى

كلاكيت تانى وتانى يقول...

البحر دة حدوتةتاة الشعراء فيها
بجد انا بعشقة ونفسى اروح ارمى نفسىوعيونى جوة متعة أمواجة وصفاء زبدةوأرجع اشوف الغروب واشم ريحه البحر تانى
كلامك رقيق وتعبيراتك أكثررقة
تحىاتى

Unknown يقول...

غمس الشاعر فى ماء البحر ... الفرشاة
حملت أطرافها طعم الملح
بعض جنون البحر و عذاباته
حاول أن يرسم صورتها فوق الماء

-----------------
عودة قوية و جميلة- ايه الجمال ده بجد انا حسيت ان انا الى بكلم البحر و ليه عندى معزة خاصة

بجد الف شكر على الكلام الجميل

MKSARAT - SAYED SAAD يقول...

صديقي العزي حازم
لملمت كلماتك بين كفي يدي اتحسس حنانها ففاض من بين اصابع يدي شوق الحبيب لمحبوبته حتى تناثر حولي ذلك الشوق ورويدا رويدا انبتت الارض اطلال احبه ودموع عاشقين وضحكات صاخبة فارتجفت وأغمضت عينى فرأيتها تقف على نفس الشاطئ تدفع بالماء حتى تأتى أمواجه لك برسائلها تحمل كلمات محرم نقطها في عرف العاشقين وكلمات بين كل حبيبين تعتبر طلاسم هم فقط يدركوها فلا تمد فرشاتك مرة اخرى للماء بل مدها وسط ذكرياتك التائهة واحلامك الوردية بين امنايتك المحققه واحساسك حتى تظل تكتب لنا تلك الكلمات التى تقطر حنانا
تحياتي صديقي الغالي
سيد سعد

•√أريـ السمر ـج√• يقول...

تحياتى لك و لقلمك الحالم

دمت بخير

واصطنعتك لنفسي يقول...

ما أعجبني في أبياتك هذه المرة .. ليس فقط انتقائك الواضح جداً لكلماتك .. إنما هو الإحساس الذي تبثه داخل النفس
.. ما زراء الكلمات

إنك لا تصف إنساناً فقط يشتاق .. وإنما هو يقاوم .. يستسلم .. يحاول التعايش .. يتمني ..

أستمتعت بربط جميع المخلوقات في القصيدة .. أنت .. المهر .. البحر والرمال..والنورس .. وحتي الأدوات التي يستخدمها في محاولاته المتأرجحة بين المقاومة والإستسلام .. أزعم أن الكثيرون لا يدركون ما حولهم بهذه الطريقة .. تقتصر رؤيتهم للآدميين فقد .. لمن هم مثلهم .. ولا يتعد إحساسهم لما بعد ذلك

مقتنعة بشدة بوصف البحر بالجنون والعذابات .. وصف غير تقليدي وحقيقي جداً .. يوافق رأيي في أن البحر يثير الشجن أكثر من السعادة .. قد يكون في بعض الأحيان شجن ممتع .. ولكن في الكثير .. مؤلم .. ومع ذلك لا نجروؤ علي كرهه ولا يزعم أيانا ذلك .. بعذاباته وجنونه

ألمتني بشده "غابت ملامحها عن ذاكرته" .. ووجدتني أتساءل .. لماذا هذه القسوة؟ .. كيف سمح لخلاياه أن تفقد ملامحها!! .. أو لعله تناسها؟؟

وفور ظهور الحنين في القصيدة وجدتني أصرخ .. أيها الحنين القاسي.. كف عنا قليلاً .. لما لا تترك لنا خزائننا القديمة مغلقة؟ .. لم تصر علي العبث بها

أثارات كلماتك أفكار كثيرة .. رائعة حقاً

أستمتعت بها لأقسي الحدود
وسأحاول في محاولاتي لمناجاة وأدراكي لما حولي أن أستمد منهم ما قد يقنع نفسي أني .. لست وحيدة .. ربما

رائعة حقاً

غير معرف يقول...

حمدلله على سلامتك ياغالى عوده صاروخيه بس ايه حكايه البحر معاك عمومامدونه
جميله فيها معانى كلها احساس مبروك ومتتأخرش علينا تانى
تحياتى وسلامى ياغالى

البنت الشلبية يقول...

ازيك يا سيد حازم
حلو كلامك
كتير بنحس بالوحدة والانتظار للجديد

========
عساك بخير وبسعادة

غير معرف يقول...

عاوز احس بالابداع.... ده كلام يتقال ع المصرف ومعاك سناره غمزت بفردة جذمة..ماتكتبش الا لما تلاقى حاجه تستاهل حفاظا على مستواك...ابو طاقية

غير معرف يقول...

ابو طاقية
ورينا انت الكلام اللى يستاهل00 حتى ولو عايز تنقد شىء مش بيبقة بالطريقة دى والاسلوب الغير لائق دة 00لو انت عندك احساس بالكلام وحسك مرهف كنت حسيت بكل كلمة حازم بيقولها لاكن مع الاسف فى ناس كدة بتحب تتكلم وهى مش فاهمة حاجة وانت منهم ياابو 0000 النقد البناء 00النقد الهادف مش مصرف وفردة جزمة يا ابو طاقية؟؟؟؟؟؟؟؟
الحب الجميل؟؟؟

غير معرف يقول...

عزيزتى الحب الجميل
كلماتى لصديقى الحبيب حازم ما هى الا كلمات حب مغلفة بابتسامة متعارف عليها فيما بيننا فلا داعى لمثل هذه العصبية فى توجيه الكلام لشخص تجهلينه وتحسسى الفاظك قبل النطق بها فقد تختلف رؤيتى لشىء عما يراه اخر وهى وجهة نظر وانى التمس لك العذر لصغر سنك داعيا لك بالتوفيق....ابوطاقية

غير معرف يقول...

اشكرك

بياترتس يقول...

حلوه وحساسه رغم بساطة اسلوبها

كلاكيت تانى وتانى يقول...

احملنى بعيدا ربما نلتقى يوما ع اطراف الحلم اين نورسك هذا فانا لا اريد سوى ان يحملنى الى ذلك الحلم
تحياتى لكلمات مست شغاف قلبى واعادتنى لزمن الحلم الجميل

غير معرف يقول...

حازم
السلام عليكم
مدونة جميل بالتوفيق
مصطفى عبد العاطي

غير معرف يقول...

اخيرا بعد طول انتظار رحت للبشمهندز مصطفى عبدالعاطى الله يستره واشترالى مترين ع النت ع الناصية.موقع يرد الروح بس لسه باشطبه وباديله سكنتين معجون وحااستك الارضية وبعده استاجز وادخل.وعجبى....طارق السعودى

غير معرف يقول...

اخيرا بعد طول انتظار رحت للبشمهندز مصطفى عبدالعاطى الله يستره واشترالى مترين ع النت ع الناصية.موقع يرد الروح بس لسه باشطبه وباديله سكنتين معجون وحااستك الارضية وبعده استاجز وادخل.وعجبى....طارق السعودى

كلمات يقول...

اخيرا بعد طول انتظار رحت للبشمهندز مصطفى عبدالعاطى الله يستره واشترالى مترين ع النت ع الناصية.موقع يرد الروح بس لسه باشطبه وباديله سكنتين معجون وحااستك الارضية وبعده استاجز وادخل.وعجبى....طارق السعودى

رهف يقول...

حازم شلبى
تحياتى
حكايا النورس الأبيض..بوست جميل يأخذك بعيدا لترى بعينيك البحر وتملىء رئتيك بيوده وتحشو رماله اصابعك لتجبر ان تعيش فى جو مختلف عن كل مايدور حولك من أحداث
جميل هو البحر يعشقه كل من له قلب حقا ينبض بأحساس....

على فكره المدونه جميله جدا
بارك الله لك فى موهبتك
وأعانك على أيام الغربه

rainbow يقول...

الاستاذ الفاضل

حزين انت استاذى
متفرد بتلك الريشة التى تمس اوتار مشدودة غير مرئية فتخرج اشجانا طال تحجيمها

كنت هنا واحببت المكان وكتاباتك جميعها تحمل تلك الخصوصية فى الالم .. فالالم على عموميته يتشكل كثيرا لكنه هنا يبدو متحديا رغم اختتامك للابيات بنبرة الامل : 0

حين أناجيكم أكسر صمت الذات أسرق من آفاقى الحزينة ... بعض الفرح حين أغيب ثم أعود فأجدكم فى انتظارى حينها و حينها فقط أعلم أنى لست وحيد

تحياتى لتدويناتك جميعا

لقلمك الشجى

دمت مبدعا

هدى

غير معرف يقول...

حين أناجيكم
أكسر صمت الذات
أسرق من آفاقى الحزينة ... بعض الفرح
حين أغيب ثم أعود فأجدكم فى انتظارى
حينها و حينها فقط
أعلم أنى لست وحيد

إن شاء الله ما تكون وحيد
وقصيدة طائر النورس ألها رونق جميل

فاتيما يقول...

تانى يا حازم
و بعدين معاك
العصفور دا لوهوب بس ناحية مدونتى هخطفه
و احطه فى قفص عشان ميطيرش بعيد على حدود المجرة
و لا أقولك بلاش
لحسن يحزن اكتر ما هو حزين
و يجراله حاجة و أشيل ذنبه
طب قوله طنط فاطمة بتقولك
عيب عليك كدا
و لايمها بقى
و أرجع

خايف من الحقيقة يقول...

ارجووووووووووك
ارجووووك
ارجع

عد


لا تغب

ارجوك


يكفينا وجع البعاد

فاتيما يقول...

طيب ينفع نجر رجلك تانى بطلب من عندى و أوعى تكسفنى بقى
عندى تاج
و لأول مرة بيجينى تيجان يا حازم
و قد قررت تمريره لأحبائى اللى على حدود المجرة ...و سيادتك منهم
أتفضل بقى جاوب
هه
أما نشوف آخرتها معاك

كراكيب نـهـى مـحمود يقول...

انت غايب فين كل ده؟
انت كويس؟

ســـــــمــــكة يقول...

اعد ملامحها لذهنك ان اردت ان يحملك النورس لها....
لست وحيدا...


بوست رائع

Unknown يقول...

هو خلاص يا حازم للدرجة دى يعنى ؟

مافيش ربع ساعة حتى تدخل تحط بوست جيد صغير و تسلم علينا ؟

انت يظهر زهقت من التدوين و المدونين هى دى الحقيقة ... براحتك

hazem shalaby يقول...

تحياتى ايها الاحبة ... اعلم أن الرد على على تعليقاتكم الكريمة الان و بعد مضى كل تلك المدة ما هو الا عبث وان اعتذارات العالم كلها لا تكفى كى اقدمها لكم ... لن استفيض فى شرح مبررات الغياب او اسبابه ولن احاول وصف ما عانيته بعيداً عنكم و عن عالمنا الجميل عالم التدوين .. لن اطلب صفحاً فعلمى بقلوبكم الطيبة يجعلنى مطمئناً أنكم ستلتمسون لى العذر .. مش عارف اشكر مين و لا مين ...
فاطمة الغالية .. ولا اميرة سهر الليالى ولا سدورة الرقيقة ولا زميلة الغربة نوراى الملائكية والضيفة الجديدة التى قصرت معها صاحبة الكلاكيت التانى و التانى ... ايمان التى اصطنعت لنفسها مكاناً عزيزا فى مدونتى المتواضعة ... عاليا حليم المجاملة دائماً و الغالية ابداً .. صديقى العزيز اللى اكيد مل منى ..سيد سعد .
البنت الشلبية التى لا تنسانى ابداً .. ست الكل اللى اختفت زى حالاتى بس عاودها الحنين لنا و لعالمنا صاحبة الاريج المعطر فى ليل السمر ... وكل اللى شرفونى بزيارتهم الاولى .. رهف و رينبو وزميلى فى بلاد غربتى الذى اتمنى ان التقيه يوما الخايف من الحقيقة .. سمكة الصغيرة الجميلة الاديبة الواعدة .. بياترتس و اطرائها الذى اخجلنى .. ودائماً و ابداً " الحب الجميل " التى لا تحتاج الى تعليق فهى اكبر من كل التعليقات .. صديقى الساخر اللاذع ابو طاقية اللى بلاد الفرنجة مش قادرة تنسيه طين بلدنا ... واخيراً ليس اقلالاً من شأنها بل اجلالا لقدرها فهى النور الذى يدلنى على طريق العودة كلما طال الليل من حولى .. صاحبة الكراكيب " نهى محمود "

شكراً لكم جميعاً .. شكر لن يوفيكم حقكم ولكنه يزيح عن كاهلى عبء احساسى بالذنب تجاهكم .. شكراً ايها الاحبة ... شكراً على الدوام

غير معرف يقول...

da5alt bela esm wa bela haweya, hal ta3ref lemaza???
le2annak anta wa7daka esmi wa haweyati...
to3abero anta 3an ma yajool be5ateri, o7eboka wa a7taremoka katheeran ya hazem...
RANA THE PALESTINIAN GIRL.

ظل السماء يقول...

Hi hazem
ana sajalt 3ashan adall a7ki ma3ak we ma3 koll as7abak el 7elween
RANA