23‏/11‏/2008

العصفور و العودة


عذراً
فأنا لا زلت أحاول أن انحت من بقايا ذاكرتى ... صورة وجهى الذى كان

وجهى الذى لا تعرفون لكنكم تخيلتموه كثيراً

لا زلت أحاول أن اتعرف على قلمى الذى تركته منذ شهور

أن أعود من جديد لأتعلم لغتى التى جمعتنى بكم ذات يوم

وابجديتى التى استطيع من خلالها ان أصل الى قلوبكم

لا زلت أحاول أن استجمع أحلامى الصغيرة قبل أن تملنى الاحلام

أن اتشبث بأهداب الحنين قبل أن أمقت طعم الذكرى

لا زلت أحاول أن أعود لأطلق فى الحلم ... سيرة فارس
لا زلت أحاول أن اقنع نفسى أنى أتقن شيئاً غير حديث الذات

وأن ذاكرتى الموبؤة بالنسيان لا زالت تحمل بعض حروفى القديمة

لا زالت تحمل أسمائكم و صوركم و تعليقاتكم

تلك التى منحتنى يوماً أجمل إحساس فى الوجود

لا زلت أحاول أن ألملم من خيال الحكايا ما تبقى

لا زلت أنبش فى أعماقى بحثاً عن صورة وجه
يسرق منى حلم الموت و حزن الوداع

لا زلت أبحث عن شئ يكسر خرس الصمت

لا زال العصفور يبحث عن جناح ليحلق فوق مدار الحلم
قبل أن يموت فى قلبه النشيد

فشكراً لصبركم .. و .. عذراً لعجزى

هناك 26 تعليقًا:

فاتيما يقول...

لن نتوقف عن الصبر يا حازم
و سنعذرك
و عد وقتما شئت
المهم تعود يا عصفور
أختك فاتيما مبقاش فيها نفس تقعد تلاحقك كل مرة على حدود المجرة و تقعد تنادى
أنا ساعات بحس أنى أعجز منك بكتير
فبلاش يعنى ما كلنا فى الهم سوا
و كلنا بيتعكز على كتف التانى عشان يمشى كام خطوة لقدام
متحرمناش نكون معاك
و كمان عاوزينك معانا
أتمنى إننا نقدر نمنحك جزء كبير من المشاعر اللى قولت عليها و لملم فى الخيال ما شئت
و عد و حلق يا عصفور
تحياتى
و إحتراماتى
و مبسوطة قوى عشان المرة دى كمان كنت اول تعليق

فـــر يـــــدة يقول...

مدونة مميزة للغاية ، محظوظة أنا حين تعثرت بها
عود حميد
تقبل احترامى

Unknown يقول...

احنا مستنينك يا زعيم
بس غيبتك طولت علينا
وكلامك نادر تلاقي زيه اليومين دول

غير معرف يقول...

الاول نشوف المشكلة الموجودة عندنا فى gmail لان بنبعت رسايل ومتهيألى الرسايل مش بتوصل وبعدين لينا تعليق
اخوك ايمن

Unknown يقول...

المهم انك رجعت

حمد لله ع السلامة

غير معرف يقول...

مهما طال غيابك و بعد سفرك و عجز كلامك سنظل ننتظرك بكل شوق لتحيي فينا ما مات و تحلل و سننتظر حتي تلمم مشاعرك و بقاياك سننتظرك بفارغ الصبر و سننتظر حتي تجد جناحك الاخر قبل أن ت سقط أنت و أحلامك,,,,

سننتظرك....

غير معرف يقول...

كل سنة وانت طيب والاسرة الكريمة كلها طيبة
عيد سعيد عليكم وعلى الامةو الاسلامية كلها

غير معرف يقول...

كلمات على ابواب الشفاه ...جميله يا حزوم ويارب تساعد بيها نفسك فى عبور المحنة النفسية وانسى انك زرت مصر وانسى اغنية اصله ماعداش على مصر وكمان الايجار المكسور ع المدونه حاندفعهولك بس اكتب عشان تعيش ونعيش مع بعض

فاتيما يقول...

حازم
كل سنة و إنت بألف خير
و وف وسطنا
كلمات صديقك طارق السعودى صح ...
إحنا اللى شكلنا بقينا فاتحين المدونة دى بالنداءات بس إنت لايمها بقى و إرجع بأى شكل تريد
عشان مفتقدينك
تحياتى الخالصة يا عصفور

اقصوصه يقول...

كل عام وانتم بخير:)

م/ الحسيني لزومي يقول...

تقبل الله منا ومنكم
وكل عام وانتم بخير

Die يقول...

الله ينور

يعني هو انا كنت عامل حاجه كده صغيره و هيشرفني

زيارتكم الكريمه

و ارائكم

بجد

balckrain.blogspot.com

م/ الحسيني لزومي يقول...

غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com

Unknown يقول...

و لازالت تدويناتك من أجمل الفراشات التى تحلق فوق زهور التدوين فتزيدها جمالا على جمالها و تعطيها رونقاً خاص

-----------

هنفضل نعذرك
و انا هفضل أجامل
هههههههههههه

لحد ما ترجع تتتحفنا بتحفك بأنتظام

----------

عيد ميلادى و هجرى سعيد

عفاف نورحازم يقول...

بلصدفه عثرت على المدونه
واعتقد انه من حسن حظى
عاشت الاسامى ياالى اسمك من اغلى الاسامى ... وكمان قلمك عايزة اعلق على كل بوست بمليون كلمه بس حبيت اعبر الاول عن سعادتى ان لسهة عندنا قلوب بتحس واقلم بجد
يارب تقبلنى صديق جديد تسمح له وتفتح له باب احلامك الساحر
عفاف نور حازم

فاتيما يقول...

و بعدهالك يا حازم
و المزيكا الجديدة دى جوها حزاينى قوى
يا بن الحلال مفتقدينك و كدا مينفعشى
مش عارفة ممكن أقولك إيه و يخليك ترجع من سفرك الطويل دا
مش عارفة بصراحة
بس اللى أعرف أقوله
إننا ما زلنا فى إنتظار العصفور
و العودة
بس

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

م/ الحسيني لزومي يقول...

اقرأ نص اتفاقية منع تهريب السلاح لغزة
وادعوا الله ان يثبت مصر في عدم التوقيع عليها

غير معرف يقول...

عودا حميدا.. لم اتوقف عن زيارة مدونك رغم غيابك الطويل،، وتمنيت كثيرا أن لا تحذفها.. ابهجتني عودتك.

عنادل

فاتيما يقول...

إمتى الرجوع يا حازم ؟!!

MKSARAT - SAYED SAAD يقول...

حازم شلبي
الصديق الرقيق والعائد لعالمنا هذا
سعدت جدا بعودتك وبمحاولتك للبحث عن اجنحة تقوى على حملك من جديد
فقد يا صديقي الحالم افتح الباب لأفكارك وهي سوف تحملك لأي مكان يرغبة عقلك لا تعلم مدي سعادتي برجوعك
اتمنى لك التوفيق
واتمنى لك التواجد الحر الذي تعودت عليه منك
كل الاحترام
صديقك
صاحب المكسرات
سيد سعد

غير معرف يقول...

ارجوك ارجع اكتب تانى من فضلك
انت بتكتب عنك ولا عننا يا حازم
ممكن تقرأ مدونتى فنجان قهوة
وتقولى رايك

فاتيما يقول...

أضم صوتى لصوت سيد المكسرات
متى تعود يا عصفور ؟

-_- يقول...

عود احمد

كراكيب نـهـى مـحمود يقول...

طال غيابك

MKSARAT - SAYED SAAD يقول...

الهجر ليس اقرب الطرق يمكن ان يكون اسهلا في لحظة التفكير فيه لكن بعد اتخاذ قرار فيه يكون الرجوع اصعب هذا لو قررت ان تهاجر
لكن ما اخوف منه هو الصحه اتمنى لك ان تكون بصحة وحال طيب واراك من جديد في عالمنا الصغير جدا جدا عالم صنعناه
لأنفسنا كبيئة افتراضية نعيش فيها بعض الوقت وهو عالم التدوين
اخ لك في الله وصديق قلم
صاحب المكسرات سيد سعد